Tjaldsvæðið á Hólmavík

Strandabyggð

Tjaldsvæðið á Hólmavík er gott tjaldsvæði á besta stað í þorpinu við hlið sundlaugar (íþróttamiðstöðvar) og félagsheimilis. Örstutt í verslun og handverksmarkað. Veitingahús og safn í þægilegu göngufæri ásamt skemmtilegum gönguleiðum með góðu útsýni. Þægilegar dagsferðir á bíl eru norður í Árneshrepp og yfir í Ísafjarðardjúp t.d í Kaldalón.

Tjaldsvæðinu er skipt í fjögur svæði og á svæðinu eru tvö þjónustuhús með salernum og útivöskum. Eldunaraðstaða, þvottahús og lítill matsalur eru í anddyri Félagsheimilis Hólmavíkur sem stendur við tjaldsvæðið. Tvö grill ásamt borðum með bekkjum standa á útsýnisstað þar sem sér yfir Steingrímsfjörð og þorpið. Rafmagn er á þremur svæðum af fjórum. WC losun fyrir húsbíla og neysluvatns-slanga.

Íþróttamiðstöð og sundlaug standa við tjaldsvæðið og sturtuaðstaða er staðsett þar. Greiða þarf sérstaklega fyrir hana, sama verð og greitt er í sund.

Ekki er nauðsynlegt að panta gistingu en ef um stærri hópa er að ræða er gott að hafa samband.

Opnunartími:

Opið allt árið.

451 3560
sundlaug@strandabyggd.is

Facebook

Instagram

Þín auglýsing hér?

Hafðu samband
auglysingar@strandir.is