Nýr vefur Strandafólks

Skrifað af:

Silja Ástudóttir

Teikning: Lára Garðarsdóttir

Velkomin á glænýjan vef strandir.is.

Strandir.is er fyrst og fremst vefur alls Strandafólks en einnig fyrir ferðafólk og aðra velunnara sem upplýsinga- og fréttamiðill.

Ætlunin er að strandir.is muni halda utan um alla þá þjónustu og afþreyingu sem fyrirfinnst á Ströndum og vera vettvangur til að deila því góða og skemmtilega sem þar gerist. Hægt er að senda inn pistla og fréttaábendingar og taka þannig virkan þátt í miðlun fyrir heimafólk og að gera Strandir sýnilegri sem bæði áfangastað og stað til að búa á.

Myndmerki strandir.is sýnir staðsetningu Stranda.

Sýslið verkstöð, miðstöð skapandi greina á Ströndum stendur að baki gerð vefsins en verkefnið hlaut styrk úr Öndvegissjóði Brothættra byggða 2020.

Það er auglýsingastofan Aldeilis sem sá um hönnun á vefnum og myndmerki og einnig þeim fallegu teikningum sem prýða síðuna. Vefurinn er enn í vinnslu og í framhaldi mun bætast við vefverslun Stranda. Við hvetjum ykkur til að skoða ykkur um á síðunni og vonum að þið njótið vel. Endilega hafið samband hafið þið einhverjar ábendingar og/eða hafið áhuga á að vera pennar, hafið skemmtilegar hugmyndir, viljið senda inn efni/myndir eða auglýsa á vefnum.

Við erum stolt af vefnum og vonumst til þess að Strandafólk taki honum fagnandi og verði duglegt að hjálpa okkur við að gera strandir.is að skemmtilegri og áhugaverðri vefsíðu okkar allra.

Með bestu Strandakveðju,
Silja Ástudóttir, ritstýra strandir.is

Share on facebook
Share on twitter
Share on pinterest
Share on email

Þín auglýsing hér?

Hafðu samband
auglysingar@strandir.is

Mest lesið

Nýjast

„Norðvesturkjördæmið hefur verið að eflast mikið síðustu ár og tækifærin þar til áframhaldandi uppbyggingar eru óþrjótandi.“
„Norðvesturkjördæmi á sér aðeins framtíð ef fólk sér fyrir sér framtíð sína þar. Til að fólk vilji búa á stöðunum þarf að huga að fjölbreytni.“
Strandabyggð hlaut veglegan styrk úr húsafriðunarsjóði Minjastofnunar Íslands.
Á síðustu árum hefur færst í vöxt að bændur nýti sér fósturtalningar í ám til hagræðingar í sauðburði. Hér er rætt við fósturteljara.
Á sveitarstjórnarfundi í Strandabyggð þann 13. apríl sl. voru samþykktar nýjar reglur um meðferð og birtingu skjala og fundargagna.
Í síðustu viku varð sú nýbreytni í skólastarfi í Grunnskóla Drangsness að boðið er upp á hádegismat fyrir bæði nemendur og starfsfólk í fyrsta sinn.

Aðrar fréttir

Jón Geir Ásgeirsson, skipstjóri Strandferða segir að sumarið líti vel út og að nú þegar sé talsvert búið að bóka ferðir hjá þeim.
Kyrrðarkraftur er nýtt endurhleðslusetur á Hólmavík fyrir fólk sem vill byggja sig upp og temja sér jákvætt hegðunarmunstur.
Nú um páskana hefjast framkvæmdir að nýju við Krossneslaug í Árneshreppi en verið er að stórbæta aðstöðu við laugina.
Skólakrakkar í Strandabyggð heimsóttu varðskipið Þór sem var við Hólmavík í hefðbundnu eftirliti en einnig reykköfunaræfingu.
Scroll Up