Nemendur á Drangsnesi forrituðu kúluvélmenni

Skrifað af:

Ritstjórn

Nemendur í forritunar- og stærðfræðismiðju. Mynd: Guðný Rúnarsdóttir

Sjóðurinn „Forritarar framtíðarinnar” er samfélagsverkefni sem hefur það hlutverk að efla forritunar- og tæknimenntun í grunn- og framhaldsskólum landsins. Sjóðurinn veitti Grunnskóla Drangsness styrk til að kaupa búnað og í nóvembermánuði voru nemendur í forritunar- og stærðfræðismiðju.

Skólinn valdi að nýta styrkinn fyrir Sphero kúluvélmenni. Sphero, sem hefur verið þýtt sem Kúlus á íslensku, er vélmenni/þjarkur í formi kúlu, hannaður til þess að kenna krökkum forritun. Honum má stýra með fjarstýringu eða með því að skrifa forrit og senda það yfir á þjarkinn. Guðný Rúnarsdóttir, skólastýra grunnskóla Drangsness segir frá: „Krakkarnir lærðu að stjórna þeim í gegnum smáforrit og gerðu ýmis verkefni, prufuðu að láta kúluvélmennin hreyfa sig í vatni, máluðu með þeim og byggðu þrautabraut fyrir þau úr alls konar efni.“

Í kennarahefti Kúlus segir: Það góða við það að kenna krökkum stærðfræði með vélmenni eins og Kúlus er að hugtökin verða samstundis áþreifanleg, og lifna við í höndum nemandans. Reynsla okkar sýnir að þetta gerir nemendur virkari þátttakendur í náminu og gerir manni kleift, sem fræðara, að ná betur til allra nemenda.

Nemendur skólans lærðu meira um forritun en þau forrituðu líka með micro-bit örtölvum. „Með micro-bit kynntust börnin tungumáli forritunar og röðuðu saman blokkum (skipunum) sem tölvan las og þannig gátu þau t.d. látið díóðuljós blikka. Krókódílasnúrur, díóður og vírar með jákvæða eða neikvæða hleðslu bættust við orðaforða barnanna. Þó svo að smiðjunni sé formlega lokið búa börnin nú yfir þekkingu í forritun og geta gripið í örtölvur og boltavélmenni í tengslum við ýmis verkefni í skólanum á komandi misserum – og dýpka þannig þekkinguna. Við þökkum Forriturum framtíðarinnar kærlega fyrir stuðninginn.“ segir Guðný.

auglýsingar

Nýjustu fréttir og greinar

Í dag opnar fjölmennasta og víðfeðmasta myndlistarsýning sem haldin hefur verið á Íslandi. 23 myndlistarmenn sýna verkin sín á Ströndum.
Það styttist óðfluga í Náttúrubarnahátíð á Ströndum sem verður haldin á Sauðfjársetrinu í Sævangi helgina 8.-10. júlí næstkomandi.
Sjoppan á Hólmavík á 40 ára byggingarafmæli í ár, það markar einnig endalok hennar þar sem verið er að rífa hana niður þessa dagana.
Strandabyggð auglýsir þrjár lausar stöður í Grunnskólanum á Hólmavík og í Leikskólanum Lækjarbrekku á Hólmavík.

Mest lesið í vikunni

Þín auglýsing hér?

Hafðu samband
auglysingar@strandir.is

Aðrar fréttir

Í dag opnar fjölmennasta og víðfeðmasta myndlistarsýning sem haldin hefur verið á Íslandi. 23 myndlistarmenn sýna verkin sín á Ströndum.
Það styttist óðfluga í Náttúrubarnahátíð á Ströndum sem verður haldin á Sauðfjársetrinu í Sævangi helgina 8.-10. júlí næstkomandi.
Sjoppan á Hólmavík á 40 ára byggingarafmæli í ár, það markar einnig endalok hennar þar sem verið er að rífa hana niður þessa dagana.
Opinn kynningarfundur um verkefnið Verndarsvæði í byggð á Hólmavík verður haldinn á Kaffi Galdri nk. fimmtudag, 30. júní og hefst kl. 20:00.