Menningarverðlaun Strandabyggðar 2022

Skrifað af:

Ritstjórn

Matthías Lýðson f.h. Tómstunda- íþrótta- og menningarnefndar Strandabyggðar og Esther Ösp tómstundafulltrúi veita menningarverðlaun 2021. Mynd: Ásta Þórisdóttir

Tómstunda-, íþrótta- og menningarnefnd Strandabyggðar auglýsir eftir tilnefningum til Menningarverðlauna Strandabyggðar árið 2022.

Öflugt lista og menningarstarf er verðmætt öllum samfélögum en ekki síst litlum sveitarfélögum á borð við Strandabyggð og því er dýrmætt að verðlauna það sem vel er gert.

Strandabyggð veitir árlega menningarverðlaunin Lóuna og verða þau nú veitt í þrettánda skiptið. Verðlaunin eru veitt fyrir eftirtektarvert framtak á sviði lista og menningar í sveitarfélaginu á liðnu ári og geta ýmist einstaklingar, félög, stofnanir, fyrirtæki eða hópar hlotið þau. Að auki eru oft veitt sérstök hvatningaverðlaun til frekari starfa í menningarmálum. Verðlaunagripurinn Lóan er farandgripur sem er hannaður og smíðaður af Hafþóri Ragnarssyni. Það er Tómstunda-, íþrótta- og menningarnefnd Strandabyggðar sem stendur að verðlaunaafhendingunni og velur úr innsendum tillögum. Verðlaunaafhendingin verður að vanda á Hamingjudögum sem verða 24. – 26. júní þetta árið.

Óskað er eftir tilnefningum ásamt rökstuðningi og má skila þeim á skrifstofu Strandabyggðar að Hafnarbraut 25 á Hólmavík eða senda á netfangið strandabyggd@strandabyggd.is. Frestur til að senda inn tilnefningar er til kl.16:00 sunnudaginn 19.júní.


Árið 2021 hlaut Arnkatla lista- og menningarfélag menningarverðlaun fyrir ötult starf á sviði menningarmála í Strandabyggð en Svavar Knútur Kristinsson hlaut sérstaka viðurkenningu fyrir aðkomu sína að menningarviðburðum í sveitarfélaginu.

Fyrri verðlaunahafar eru þessir:
2021 Arnkatla, lista- og menningarfélag
2020 Jón Jónsson
2019 Leikfélag Hólmavíkur
2018 Dagrún Ósk Jónsdóttir og Náttúrubarnaskólinn
2017 Steinshús
2016 Sauðfjársetur á Ströndum
2015 Sigríður Óladóttir
2014 Leikfélag Hólmavíkur
2013 Sauðfjársetur á Ströndum
2012 Einar Hákonarson
2011 Þjóðfræðistofa
2010 Samstarfsverkefni grunn- og tónskóla og leikfélags

Sérstök viðurkenning hefur verið veitt eftirtöldum:
2021 Svavar Knútur Kristinsson
2020 Kristín Einarsdóttir
2019 Sunneva Þórðardóttir
2017 Esther Ösp Valdimarsdóttir
2016 Sigríður Drífa Þórólfsdóttir og Birkir Þór Stefánsson
2013 Viðar Guðmundsson
2010 Sigurður Atlason

Heiðursverðlaun hafa verið veitt eftirtöldum:
2018 Ása Ketilsdóttir
2015 Galdrasýning á Ströndum
2012 Sauðfjársetur á Ströndum
2011 Leikfélag Hólmavíkur

auglýsingar

Nýjustu fréttir og greinar

Í dag opnar fjölmennasta og víðfeðmasta myndlistarsýning sem haldin hefur verið á Íslandi. 23 myndlistarmenn sýna verkin sín á Ströndum.
Það styttist óðfluga í Náttúrubarnahátíð á Ströndum sem verður haldin á Sauðfjársetrinu í Sævangi helgina 8.-10. júlí næstkomandi.
Sjoppan á Hólmavík á 40 ára byggingarafmæli í ár, það markar einnig endalok hennar þar sem verið er að rífa hana niður þessa dagana.
Strandabyggð auglýsir þrjár lausar stöður í Grunnskólanum á Hólmavík og í Leikskólanum Lækjarbrekku á Hólmavík.

Mest lesið í vikunni

Þín auglýsing hér?

Hafðu samband
auglysingar@strandir.is

Aðrar fréttir

Í dag opnar fjölmennasta og víðfeðmasta myndlistarsýning sem haldin hefur verið á Íslandi. 23 myndlistarmenn sýna verkin sín á Ströndum.
Það styttist óðfluga í Náttúrubarnahátíð á Ströndum sem verður haldin á Sauðfjársetrinu í Sævangi helgina 8.-10. júlí næstkomandi.
Sjoppan á Hólmavík á 40 ára byggingarafmæli í ár, það markar einnig endalok hennar þar sem verið er að rífa hana niður þessa dagana.
Opinn kynningarfundur um verkefnið Verndarsvæði í byggð á Hólmavík verður haldinn á Kaffi Galdri nk. fimmtudag, 30. júní og hefst kl. 20:00.