Íbúafundur í Strandabyggð um sameiningu sveitarfélaga

Skrifað af:

Ritstjórn

Hólmavík. Mynd: Haukur Sigurðsson

Boðað er til íbúafundar í Strandabyggð þriðjudaginn 5. október kl. 20 í Félagsheimilinu á Hólmavík. Þar verður rætt hvort Strandabyggð ætti að hefja sameiningarviðræður og hver áhersluatriði sveitarfélagsins ættu að vera.

Fyrirtækið RR-ráðgjöf hefur síðustu mánuði unnið fyrir sveitarfélagið Strandabyggð að greiningu þeirra valkosta sem sveitarfélagið stendur frammi fyrir varðandi sameiningu við önnur sveitarfélög. Markmið verkefnisins er að greina styrkleika, veikleika, ógnanir og tækifæri Strandabyggðar, ef til sameiningar kemur. Í því felst jafnframt að greina sameiningarvalkosti.

Kynning á verkefninu, reynslusögur og umræður

Boðað er til íbúafundar í Strandabyggð þriðjudaginn 5. október kl. 20:00-21:30 í Félagsheimilinu á Hólmavík. Öll sem áhuga hafa eru boðin hjartanlega velkomin. Fundinum verður einnig streymt á Facebooksíðu Strandabyggðar.

Á fundinum verður kynning á verkefninu og leitað sjónarmiða íbúa. Spurt verður hvort Strandabyggð eigi að hefja sameiningarviðræður? Einnig, hvaða valkostir ættu þá að vera í forgangi? Og ennfremur, hver ættu að vera áhersluatriði Strandabyggðar í slíkum viðræðum?

Gauti Jóhannesson forseti sveitarstjórnar Múlaþings og fyrrum sveitarstjóri Djúpavogshrepps mun mæta á íbúafundinn. Hann segir stuttlega frá reynslu Djúpavogshrepps við uppbyggingu, eftir að hafa orðið fyrir miklu áfalli árið 2014 þegar meirihluti aflaheimilda í hreppnum voru fluttar annað. Eins mun hann segja frá reynslu sveitarfélagsins af því að taka þátt í sameiningarviðræðum á Austurlandi og hvernig gengur í nýja Múlaþingi. 

Hægt að taka þátt rafrænt

Á fundinum verður notað rafrænt samráðskerfi svo allt fólk sitji við sama borð, þ.e. bæði þau sem mæta á fundarstað og þau sem fylgjast með í streymi. Auk þess verður boðið upp á spurningar og ábendingar úr sal. Til að taka þátt er notaður vefurinn menti.com og til að taka þátt með þeim hætti þarf að hafa síma, snjalltæki eða tölvu og fara inn á síðuna menti.com. Þar er slegin inn töluröð sem gefinn verður upp á fundinum og þá opnast samráðskerfið.

Þessi tilkynning var birt á vef Strandabyggðar í dag.

Talnaruna verður gefin upp á fundinum sem þátttakendur skrifa inn á menti.com
Share on facebook
Share on twitter
Share on pinterest
Share on email

Þín auglýsing hér?

Hafðu samband
auglysingar@strandir.is

Mest lesið í vikunni

Nýjustu fréttir og greinar

Þorgeir Pálsson ritari í stjórn Ferðamálasamtaka Vestfjarða fer yfir stöðuna hvernig ferðasumarið 2021 var á Ströndum.
Daníel Haraldsson er nýr dýralæknir sem sinnir dýralæknaþjónustu á Ströndum, Reykhólum og í Dalabyggð. Daníel tók við 1. október síðastliðinn.
Kristín Einarsdóttir þjóðfræðingur flutti á Strandir frá Reykjavík og hefur fundið flestum áhugamálum sínum farveg í Hveravík þar sem hún býr.
Nemendur í hagnýtri þjóðfræði halda málþing á Hólmavík um allskonar dýr og skepnur frá þjóðfræðilegu sjónarhorni
Samtökin '78 verða með umfangsmikla hinsegin fræðslu í grunn- og leikskólanum á Hólmavík 18.-19. október og félagsheimilinu fyrir alla íbúa.

Aðrar fréttir

Daníel Haraldsson er nýr dýralæknir sem sinnir dýralæknaþjónustu á Ströndum, Reykhólum og í Dalabyggð. Daníel tók við 1. október síðastliðinn.
Nemendur í hagnýtri þjóðfræði halda málþing á Hólmavík um allskonar dýr og skepnur frá þjóðfræðilegu sjónarhorni
Samtökin '78 verða með umfangsmikla hinsegin fræðslu í grunn- og leikskólanum á Hólmavík 18.-19. október og félagsheimilinu fyrir alla íbúa.
Ekki var hægt að halda aðalfund í Leikfélagi Hólmavíkur vegna manneklu. Stjórnin biðlar til íbúa að taka höndum saman og mæta á aðalfund eftir viku.