Ætlar að höfða mál gegn Strandabyggð

Skrifað af:

Guðbjörg Guðmundsdóttir

Þorgeir Pálsson. Mynd: Jón Jónsson, Hólmavík: HaukurSig

Fyrrum sveitarstjóri Strandabyggðar, Þorgeir Pálsson, hefur sent sveitarstjórn bréf þar sem henni er tilkynnt að hann muni höfða mál á hendur sveitarfélaginu Strandabyggð. Ástæða málsóknarinnar er brottrekstur hans úr starfi sveitarstjóra. Tilkynningu um málsóknina setti Þorgeir á Facebook síðu sína í dag, 3. júní.

Þorgeir var ráðinn í starf sveitarstjóra Strandabyggðar af sveitarstjórn árið 2018. Sveitarstjórn sagði honum upp störfum í apríl síðastliðnum. Í tilkynningu sem Þorgeir sendi frá sér daginn eftir uppsögnina segir hann hana hafa komið sér í opna skjöldu og að hann myndi íhuga réttarstöðu sína í framhaldinu.

Í fréttatilkynningu sem upprunalega var birt á vef Strandabyggðar en síðar fjarlægð, vegna brottrekstrar sveitarstjóra stóð að samstaða væri um ákvörðunina í sveitarstjórn. Þorgeir telur málsókn óhjákvæmilega þar sem sveitarstjórnin hafi hafnað öllum óskum og sáttatillögu.

Þorgeir hefur haldið því fram að störf stjórnarinnar samræmist ekki siðareglum sveitarfélagsins. Í yfirlýsingu sem birt var á vef Strandabyggðar 30. apríl hafnar sveitarstjórn því að hafa brotið sveitarstjórnarlög, samþykktir og siðareglur Strandabyggðar.

Jón Gísli Jónsson, oddviti sveitarstjórnar Strandabyggðar vildi ekki tjá sig um fyrirhugaða málssókn á þessu stigi og ekki á opinberum vettvangi.

Bréf Þorgeirs til sveitarstjórnar, sem birt er í dag á opinni síðu hans má lesa hér:

„Sæl öll,

Nú er ljóst að ég þarf að höfða mál gegn Strandabyggð, til að ná fram rétti mínum og þeim kjörum sem við sömdum um þegar ég var ráðinn. Það er óskemmtilegt en óhjákvæmilegt og aldrei hélt ég að sú staða kæmi upp. En, þar sem sveitarstjórn Strandabyggðar hefur alfarið hafnað mínum óskum og nú síðast minni sáttatillögu, sé ég mig knúinn til að fara þessa leið.
Í því ferli sem framundan er, munu ýmis mál óhjákvæmilega koma upp, sem þó eru til þess fallin að skýra ágreining okkar sem virðist vera ástæða brottrekstursins. Sú umræða mun undirstrika þá skoðun mína að margar ákvarðanir sveitarstjórnar eru á skjön við siðareglur og samþykktir sveitarfélagsins sem og sveitarstjórnarlög. Á þetta benti ég, enda mín skylda. Þið hafið alfarið hafnað þessu, en staðreyndirnar tala sínu máli.
Framundan er umræða um óeðlileg hagmunatengsl, styrkveitingar til kjörinna fulltrúa og eða aðila þeim tengdum, sem og fyrirtækja og stofnanna í umsjón sveitarstjórnarfulltrúa, verkefni til fyrirtækja í eigu og umsjón sveitarstjórnarfulltrúa, bein afskipti sveitarstjórnarmanna af mannaráðningum, bein íhlutun sveitarstjórnarmanna í daglega starfsemi sveitarfélagisins ofl.
Ég vísa ábyrgð á því sem framundan er, alfarið á hendur sveitarstjórn Strandabyggðar.“

Share on facebook
Share on twitter
Share on pinterest
Share on email

Þín auglýsing hér?

Hafðu samband
auglysingar@strandir.is

Mest lesið í vikunni

Nýjustu fréttir og greinar

Þorgeir Pálsson ritari í stjórn Ferðamálasamtaka Vestfjarða fer yfir stöðuna hvernig ferðasumarið 2021 var á Ströndum.
Daníel Haraldsson er nýr dýralæknir sem sinnir dýralæknaþjónustu á Ströndum, Reykhólum og í Dalabyggð. Daníel tók við 1. október síðastliðinn.
Kristín Einarsdóttir þjóðfræðingur flutti á Strandir frá Reykjavík og hefur fundið flestum áhugamálum sínum farveg í Hveravík þar sem hún býr.
Nemendur í hagnýtri þjóðfræði halda málþing á Hólmavík um allskonar dýr og skepnur frá þjóðfræðilegu sjónarhorni
Samtökin '78 verða með umfangsmikla hinsegin fræðslu í grunn- og leikskólanum á Hólmavík 18.-19. október og félagsheimilinu fyrir alla íbúa.

Aðrar fréttir

Daníel Haraldsson er nýr dýralæknir sem sinnir dýralæknaþjónustu á Ströndum, Reykhólum og í Dalabyggð. Daníel tók við 1. október síðastliðinn.
Nemendur í hagnýtri þjóðfræði halda málþing á Hólmavík um allskonar dýr og skepnur frá þjóðfræðilegu sjónarhorni
Samtökin '78 verða með umfangsmikla hinsegin fræðslu í grunn- og leikskólanum á Hólmavík 18.-19. október og félagsheimilinu fyrir alla íbúa.
Ekki var hægt að halda aðalfund í Leikfélagi Hólmavíkur vegna manneklu. Stjórnin biðlar til íbúa að taka höndum saman og mæta á aðalfund eftir viku.