Home Viðburðir Jólatónleikar: Hátíð fer í hönd

Jólatónleikar: Hátíð fer í hönd

Einvalalið vestfirsks tónlistarfólks hefur nú tekið höndum saman og mun það bjóða upp á jólatónleika á Hólmavík, Tálknafirði og Ísafirði dagana 10.-12. desember. Hópurinn hefur nokkrum sinnum áður sungið jólin í hjörtu Vestfirðinga við góðar undirtektir. Hann samanstendur af Dagnýju Hermannsdóttur, Jóni Hallfreð Engilbertssyni, Pétri Erni Svavarssyni, Stefáni Jónssyni og Svanhildi Garðarsdóttur. Auk þeirra mun sópransöngkonan Sigrún Pálmadóttir koma fram með hópnum á Ísafirði.

Jólaperlur á dagskránni

Á dagskrá verða jólaperlur sem allir kannast við, auk nokkurra laga úr smiðju hópsins. Til að gefa smá innsýn í stemninguna munu eftirfarandi lög óma: Jólin alls staðar, Er líða fer að jólum, Hátíð í bæ, Amma engill, Nú minnir svo ótal margt á jólin og Hugurinn fer hærra.

Tónleikarnir fara fram sem hér segir:

Hólmavíkurkirkja 10. desember kl. 20
Tálknafjarðarkirkja 11. desember kl. 17
Ísafjarðarkirkja 12. desember kl. 17

Miðaverð á tónleikana er 4.900 krónur og  2.500 fyrir börn að 16 ára aldri. Miðasala fer fram á tix.is.

Lesa meira: Hátíð fer í hönd á Vestfjörðum

Verð

4.900 ISK
janúar 2022
febrúar 2022
No event found!
Sjá meira