Sundlaug og íþróttamiðstöð Hólmavík

Strandabyggð

Íþróttahús Sundlaug Heitir pottar Barnalaug Tækjasalur Tjaldstæði

Á Hólmavík er glæsileg íþróttamiðstöð, sundlaug og íþróttahús.  Sundalaugin var tekin í notkun 17. júlí 2004 en íþróttahúsið í janúar 2005.

Í íþróttahúsinu er aðstaða til margvíslegrar íþróttaiðkunnar. Þar eru áhöld og útbúnaður fyrir boltaíþróttir, handbolta, fótbolta og körfubolta.  Blak, badminton, frjálsar íþróttir, taekwondo, box, bandý og borðtennis. Salinn er hægt að leigja undir hópa í stök skipti en einnig er þar boðið upp á reglulega hóptíma með þjálfara.

Sundlaugin er 25 metra laug með 4 sundbrautum. Þegar kennsla er á vegum grunnskóla eða sundþjálfun í gangi er ein sundbraut frátekin fyrir almenning svo einstaklingar hafa alltaf aðgang að lauginni innan opnunartíma. Við sundlaugina eru tveir heitir pottar og vaðlaug sem nýtist vel fyrir börn eða í afslöppun því þar er hægt að liggja. Lítil rennibraut og leiktæki í laug eru í boði sem og smádót fyrir yngstu gestina. Kalt kar með sírennsli er í laugargarði.

Í íþróttamiðstöðinni er lítil líkamsrækt með öllum helstu tækjum bæði til þol- og styrktaræfinga.  Þrekhjól, hlaupabretti, fjölþjálfi, stígvél, róðrarvél, skíðavél (niðurtogsvél) sem og bekkir og lóð til lyftinga. Gólfplássið er ekki mikið en andinn er góður og þar geta allir náð sínum markmiðum.

Opnunartími –

Vetur: Mánudaga til fimmtudaga  9:00 – 20:00
Föstudaga  9:00 – 16:00
Laugar- og sunnudaga 14:00 -18:00
Sumar: Opið alla daga 9:00 – 21:00

451 3560
sundlaug@strandabyggd.is

Instagram

Share on facebook
Share on twitter
Share on pinterest
Share on email

Þín auglýsing hér?

Hafðu samband
auglysingar@strandir.is

Scroll Up