Myndir frá árshátíð Hólmavíkurskóla

Árshátíð Grunnskólans á Hólmavík var haldin síðasta föstudagskvöld og vakti mjög mikla hrifningu hjá þeim mikla fjölda gesta sem hana sóttu. Nemendur skólans lögðu mikla vinnu í atriðin og fóru gjörsamlega á kostum í sumum hverjum. Kolbrún Erna Pétursdóttir leikstjóri var á staðnum og smellti myndum í gríð og erg sem rötuðu síðan til strandir.is, en þeim hefur verið komið fyrir í myndasafni vefjarins hér í efri tenglaröðinni á vinstri hönd. Einnig er hægt að smella hér til að nálgast myndirnar frá þessari frábæru skemmtun nemendanna á Hólmavik.