strandir.is - Síldarverksmiðjan á Eyri við Ingólfsfjörð

Forsíða Fréttir Fréttasafn Myndbönd Söguþættir Viðtöl Flokkar

Ýmislegt

Vefverslun

Aðsendar greinar

Myndasafnið

Viltu tilkynna hvalakomu?

Sveitarfélög

Bæjarhreppur Strandabyggð

Leit og fleira

Vinsælar fréttir
Ingibjörg Valgeirsdóttir ráðin sveitarstjóri Strandabyggðar Snjórinn 1995 á Bryggjuhátíð Úrslit og myndir frá Hrútadómum Flett ofan af kumlum á Strákatanga Nýtt starfsfólk í Grunnskólanum á Hólmavík Prjónanámskeið á Hólmakaffi 13. ágúst SEEDS kvöld á Kaffi Galdri Óviðjafnanleg litadýrð Steypuvinna hjá Hólmadrangi Glæsileg tónlistarhátíð í Bjarnarfirði 24. júlí

Vinsælar fréttir

Vinsæl myndbönd
Hilmir rifinn - myndband Mælir ekki með að stinga hönd í hákarlskjaft Jólaljósin á Hólmavík Gleði meðal barna á Öskudegi Ásdís Jónsdóttir samdi Hamingjulagið í ár

JJ \| 19/07 2007 \| 22:49
Síldarverksmiðjan á Eyri við Ingólfsfjörð

Ein af perlum Árneshrepps sem ferðamenn hafa mjög gaman af að heimsækja er Eyri við Ingólfsfjörð. Þar var um tíma á 20. öldinni blómleg síldarvinnsla og er afar sérstakt að koma þar og sjá yfirgefnar verksmiðjubyggingarnar sem eru í allmikilli niðurníðslu. Akvegur sem mætti gjarnan vera töluvert betri, en er þó fær öllum bílum, liggur frá Melum í Árneshreppi yfir að Eyri, en jeppar komast síðan alla leið í Ófeigsfjörð. Fréttaritari strandir.is skellti sér í skoðunarferð að Eyri á dögunum og smellti af nokkrum myndum.

Eftir því sem fréttaritari veit best var síldarsöltun á Eyri á árabilinu 1916-1919, en lagðist þá af þar eins og víðar í framhaldi af krakkinu mikla, þegar síldarsöltun landsmanna fór á höfuðið að heita mátti á einu bretti. Á þessu blómaskeiði voru líklega einar fimm síldarsöltunarstöðvar við Ingólfsfjörð.

Aftur var söltuð síld á Eyri frá því um 1930 og lítil síldarbræðsla var síðan byggð um 1936. Síðan var býsna stór bræðsla reist innarlega á eyrinni á heimsstyrjaldarárunum og starfrækt til 1952. Seinna var starfrækt þar lítil rækjuverksmiðja í fáein ár. Eyri fór í eyði (ef hægt er að nota það orð) árið 1971, en þar eru fyrir utan verksmiðjuhúsin nokkur íbúðarhús sem er viðhaldið og notuð sem sumardvalarstaðir.

Eyri við Ingólfsfjörð - Ljósm. Jón Jónsson